بقلب بلدة صغيرة متل برج الشمالي يلي بتوقع بشرق مدينة صور، في مركز لجمعية الرسالة للإسعاف الصحي بداخلوا عدد من العناصر يلي عم بقوموا بواجبهم اليومي وعلى أكمل وجه كمان وزيادة..هني متلهم متل أي مركز لهيدي الجمعية وعندهم العدد الوفير من هالعناصر، وعالأكيد ما لازم ننسى الشي المهم انو هالجمعية عندها مراكز وسيارات إسعاف على كامل الأراضي اللبنانية، وهدفها الأول والأخير والرئيسي خدمة المواطنين وتلبية حاجاتهم من خلال إسعافهم سواء إن كان بالبيت أو من خلال نقلهم الى المستشفى……منعود لقضاء صور وهالبلد يلي بشرقها ومكانتها كبرج الشمالي وهالمركز النزيه يلي فيها، عرفنا انو اليوم كان فيه شب من شبابوا لا بل من احد القادة وصادف انو اليوم عيد ميلادو وفاجأوه رفقاتوا بأنهم عاملينلوا عيد ميلاد بسيط بإمكانياتهم ولكنها لفتة كبيرة لا سيما بتواضعهم وبفرحتهم تجاه هالشب الحلو واللبق يلي بيحمل إسم حسين عباس….فعلاً صح هيي فرحة،،، ولكن الفرحة الأكبر انو هالشب ولو كان بقلب عيد هالميلاد ووصلهم نداء إستغاثة لنقل مريض كورونا او حادث سير او غيروا، فمن المؤكد انو كان رح يترك هالمناسبة ويلبي نداء الواجب،،، لأن الهدف الاول والأخير يلي بيحملوا هالشب وكافة العناصر بهالجمعية تقيدهم بعبارة: أبعد من نداء الواجب…..كل عام وأنت بألف خير حسين عباس ، وإنشاءالله بتبقى بصحتك وعافيتك وبتوصل لأعلى المراتب…..البرج الشمالي وجمعية الرسالة بيرفعوا راسهم بأمثالك يا قائد…..*الإعلامي – وسام نبهان*
